ဝိုင်ဖောက်နည်း Share👉

ဝိုင်ဖောက်နည်း

နိဒါန်း

            ဝိုင် (Wine)ကို လက်တင်ဘာသာစကား Vinum မှ ဆင်းသက်လာတာဖြစ်ပါတယ်။ အဖျော်ယမကာထဲမှာတော့ ကာဗွန်ဒိုင်အောက်ဆိုဒ် ထည့်ထားသော်လည်းကောင်း၊ မထည့်ထားသော်လည်းကောင်း (alcohol) အရက်အနည်းငယ်ပါသော အဖျော်ယမကာ (carbonated or noncarbonated mildly alcoholic beverages) အမျိုးအစားထဲမှာ ပါဝင်ပါတယ်။ စပျစ်သီးနဲ့ တခြားအသီးများ၊ ကစီဓာတ်ပါတဲ့ ပစ္စည်းများ (ဘာလီ၊ မုယော၊ ဆန်အပါအဝင်)ကို အချဉ်ဖောက်ထားသော အရက်ပါတဲ့ အဖျော်ယမကာတစ်မျိုး ဖြစ်ပါတယ်။ ဒါကြောင့် ဘာလီဝိုင်၊ ဆန်ဝိုင်နဲ့ သစ်သီးဝိုင်ဆိုပြီး သုံးမျိုးရှိပါတယ်။ ဝိုင်မှာအရက် ပါဝင်မှု ၉-၁၆ ရာခိုင်နှုန်းအထိ ပါဝင်ပါတယ်။ဒါပေမဲ့ ဘာလီဝိုင်၊ မုယောဝိုင်တွေကတော့ အရက်ပါဝင်မှု ၈-၁၅ ရာခိုင်နှုန်းထိ ပါဝင်ပြီးတော့ အရသာမှာတော့ ဘီယာဘက်ကို နည်းနည်းသွားပါတယ်။ ဆန်ဝိုင်ကတော့ အရက်ပါဝင်မှု ၂ဝ ရာခိုင်နှုန်းလောက် ပါဝင်တာကြောင့် အရက်ဘက်ကိုသွားတာများပါတယ်။ ဝိုင်လုပ်ရာမှာ အများဆုံးအသုံးများပြီး နာမည်အကြီးဆုံး ကုန်ကြမ်းပစ္စည်းကတော့ စပျစ်သီး ဖြစ်ပါတယ်။

            ဝိုင်ကို ထုတ်လုပ်လာတာ နှစ်ပေါင်းထောင်ချီနေပြီ ဖြစ်ပါတယ်။ ဝိုင်ကို လွန်ခဲ့တဲ့ ၈ဝဝဝ ပြည့်နှစ်လောက်က အမေရိကန်နိုင်ငံရဲ့ ပြည်နယ်တစ်ခုဖြစ်တဲ့ Georgia ကနေစပြီး တီထွင်ထုတ်လုပ် သောက်သုံးလာကြတာ ဖြစ်ပါတယ်။ တရုတ်နိုင်ငံမှာတော့ ဆန်ကို အဓိကထားပြီး အချဉ်ဖောက်ထားတဲ့ အဖျော်ယမကာတွေပြုလုပ်ရာမှာတော့ စပျစ်သီးကို ရောပြီးသုံးကြပါတယ်။ ၁၉၉၁ ခုနှစ်မှာတော့ တစ်ကမ္ဘာလုံးမှာ နှစ်စဉ် ဝိုင်ထုတ်လုပ်မှု ၂၉ မီလီယမ်မတ်ထရစ်တန်လောက်ရှိပြီးတော့ တစ်ကမ္ဘာလုံး ထုတ်လုပ်မှုရဲ့သုံးပုံတစ်ပုံကိုတော့ ပြင်သစ်နှင့် အီတလီက ထုတ်လုပ်ထားတာတွေ ဖြစ်ပါတယ်။ ၂ဝ၁၄ ခုနှစ် အပြည်ပြည်ဆိုင်ရာ ဝိုင်အဖွဲ့အစည်း (OVI)ရဲ့ စစ်တမ်းများအရ ပြင်သစ်နိုင်ငံက ၄.၅ ဘီလီယမ် လီတာ ထုတ်လုပ်ထားပြီးတော့ ထုတ်လုပ်မှုအများဆုံးနိုင်ငံဖြစ်ပါတယ်။ ၂ဝ၁၃ ခုနှစ်ရဲ့ စစ်တမ်းအရမှာတော့ အီတလီနိုင်ငံက ထုတ်လုပ်မှုအများဆုံးနိုင်ငံ ဖြစ်ပါတယ်။ ၂ဝ၁၅ ခုနှစ်ရဲ့ စစ်တမ်းကောက်ယူမှုအရမှာတော့ သြစတြေးလျနိုင်ငံက ဝိုင်ထုတ်လုပ်မှုမှာ ဦးဆောင်နေတဲ့နိုင်ငံတွေထဲက တစ်နိုင်ငံဖြစ်တယ်လို့ သိရပါတယ်။

သဘာဝဓာတုနည်းအရဆိုရင် စပျစ်သီးက သကြား၊ တဆေး၊ ရေ၊ အက်စစ်၊ အင်ဇိုင်းနဲ့ တခြားအာဟာရဓာတ်တွေ မထည့်ဘဲနဲ့တောင် သူ့ဘာသာ အချဉ်ဖောက်နိုင်ပါတယ်။ တဆေးက အချဉ်ဖောက်ခြင်းနည်းစဉ်မှာ စပျစ်သီးထဲမှာရှိတဲ့ သကြားဓာတ်ကို စားလိုက်ပြီးတော့ Ethanol နဲ့ Carbon Dioxide ကို ပြောင်းပေးပါတယ်။ သုံးထားတဲ့ စပျစ်သီးအမျိုးအစားနဲ့ တဆေးအမျိုးမျိုးပေါ် မူတည်ပြီးတော့ ဝိုင်အမျိုးအစားများစွာ ထွက်လာတာဖြစ်ပါတယ်။ Brettanomyces ၊ Candida ၊ Kloeckera ၊ Schizosaccharomyces ၊ Saccharomycodes ၊ Zygosaccharomyces ၊ Aureobasidium တို့ကိုတော့ ဝိုင်ထုတ် လုပ်တဲ့နေရာတွေမှာ တဆေးအနေနဲ့ အသုံးပြုပါတယ်။ ဝိုင်တဆေးတွေက အရမ်းဈေးကြီးတဲ့အတွက် ပေါင်မုန့်ဖုတ်ရာမှာ သုံးတဲ့ တဆေးကိုသုံးပြီးလည်း ဝိုင်ပြုလုပ်ရာမှာ အသုံးပြုနိုင်ပါတယ်။

            ဝိုင်ထုတ်လုပ်တဲ့နေရာမှာသုံးထားတဲ့ စပျစ်သီးအမျိုးအစား၊ အချိုပါဝင်မှု ရာခိုင်နှုန်း၊ ဝိုင်ရဲ့အရောင်၊ အရက်ပါဝင်မှုရာခိုင်နှုန်းနဲ့ အမြုပ်လေးတွေ ပလုံစီထမှုတွေ ပေါ်ကိုမူတည်ပြီးတော့ ဝိုင်အမျိုးအစားတွေကို ခွဲခြားတာဖြစ်ပါတယ်။ အဓိကအနေနဲ့ အနီရောင်ဝိုင် (Red Wine)၊ အဖြူရောင်ဝိုင် (White Wine)၊ Appetizer Wine၊ Sparkling Wine နဲ့ Sweet Dessert Wine ဆိုပြီး၅မျိုးရှိပါတယ်။

ဝိုင်နီ (Red Wine)

            Red Wine ဆိုတာကတော့ အမည်းရောင်စပျစ်သီးကို အသုံးပြုပြီး ဝိုင်ရဲ့ အရောင်က သုံးထားတဲ့ စပျစ်သီးရဲ့ အခွံနဲ့ အစေ့ကြောင့်လည်း ဖြစ်ပါတယ်။ Red Wine အမျိုးအစားက သက်တမ်းနုသေးတဲ့အချိန်မှာ ခရမ်းရောင်ရှိပြီး၊ ရင့်မှည့်နေတဲ့ ဝိုင်ကတော့ အနီရင့်ရောင်ရှိပြီးတော့ သက်တမ်းရင့်နေပြီဖြစ်တဲ့ ဝိုင်ကတော့ အညိုရောင်ရှိပါတယ်။ Red Wine ကို ပြုလုပ်မယ်ဆိုရင် အပူချိန် 20-30ံC (70-85ံF) လောက်က အရောင်နဲ့ Tannin ကောင်းကောင်းရဖို့ အကောင်းဆုံးဖြစ်ပြီးတော့ 40ံC (104ံF) လောက် ရောက်သွားမယ်ဆိုရင်တော့ ဝိုင်ရဲ့ အနံ့အရသာတွေ ပျက်စီးသွားနိုင်ပြီး တဆေးတွေကိုတောင် သတ်ပစ်နိုင်ပါတယ်။

ဝိုင်ဖြူ (White Wine)

            White Wine အဖြူရောင်စပျစ်သီးကိုသုံးပြီး ထုတ်လုပ်ထားတာဖြစ်ပြီး အမည်းရောင်စပျစ်သီးကိုလည်း အရောင်မရအောင် အခွံချွတ်၊ အစေ့ထုတ်ပြီး သုံးတာမျိုးလည်း ရှိပါတယ်။ White Wine ရဲ့ အရောင်တွေက ကောက်ရိုးလို အဝါရောင်၊ ရွှေဝါရောင်၊ ဝါစိမ်းစိမ်းရောင်ဆိုပြီး ရှိပါတယ်။ White Wine ကိုပြုလုပ်မယ်ဆိုရင် အပူချိန် 7-12ံC (45-60ံF) မှာ အကောင်းဆုံးဖြစ်ပါတယ်။ White Wine ကို ပြုလုပ်မယ်ဆိုရင် အနံ့တွေ၊ အက်စစ်ပါဝင်မှုတွေ ပျက်တတ်တာကြောင့် အပူချိန်နိမ့်နိမ့်မှာ ပြုလုပ်တာ ကောင်းပါတယ်။

စပါကလင်ဝိုင် (Sparkling Wine)

   Sparkling Wine ကတော့ ဝိုင်ထဲကို Carbon Dioxide များများထည့်ထားပြီးတော့ အမြုပ်လေးတွေပလုံစီတဲ့ ခံစားမှုကို ရရှိစေမှာပါ။ Sparkling Wine ကို အဓိကအနေနဲ့ အနီရောင်ရှိတဲ့ စပျစ်သီးကို အသုံးပြုတာဖြစ်ပြီး အဖြူရောင်စပျစ်သီးကိုလည်း သုံးလေ့ရှိပါတယ်။ Sparkling Wine ကို နိုင်ငံတော်တော်များများမှာ စပျစ်သီးအမျိုးအစားအမျိုးမျိုး၊ နည်းစနစ်အမျိုးမျိုးနဲ့ ထုတ်လုပ်လျက်ရှိပါတယ်။ Champange ကတော့ Sparkling Wine တွေထဲမှာ နာမည်အကြီးဆုံးဝိုင်ဖြစ်ပြီး ပြင်သစ်နိုင်ငံ Champange ဒေသကနေ စတင်ထုတ်လုပ်ခဲ့တာ ဖြစ်တယ်လို့ သိရပါတယ်။ Sparkling Wine ကို မသောက်သုံးခင် ရေခဲ သေတ္တာထဲမှာ ၃ ၊ ၄ နာရီလောက် ထားပြီးမှ သောက်သုံးတာက ဝိုင်ရဲ့အနံ့အရသာကို ပိုမိုကောင်းမွန်စေပါတယ်။

ပူတင်းဝိုင်/ဝိုင်ချို (Dessert Wine)

            Dessert Wine ကတော့ ပုံမှန်ဝိုင်တွေထက်စာရင် သကြားပါဝင်မှုပမာဏ ပိုများတာကြောင့် ပူတင်းဝိုင်လို့လည်း ခေါ်ပါတယ်။ ပုံမှန်ဝိုင်တွေထက်လည်း ပိုပြီးချိုပါတယ်။ ပိုပြီးလည်း ပျစ်ပါတယ်။ စပျစ်သီးအမျိုးမျိုး၊ နည်းစနစ်အမျိုးမျိုးနဲ့ ထုတ်လုပ်လေ့ရှိကြပါတယ်။ ဝိုင်အနံ့မွှေးစေဖို့အတွက် လိမ္မော်သီးအခွံ၊ ဆီးချိုသီး၊ သရက်သီး၊ ဥသျှစ်သီး၊ သဖန်းသီး၊ စပျစ်သီးခြောက်နဲ့ ပျားရည်တို့ကို အသုံးပြုကြပါတယ်။ Dessert Wine မှာတော့ အဖြူရောင်နဲ့ အနီရောင်ဆိုပြီး နှစ်မျိုးရှိပါတယ်။ အဖြူရောင် Dessert Wine ကိုတော့ ရေခဲသေတ္တာထဲမှာထည့်ပြီး သောက်သုံးတာကောင်းပါတယ်။ အနီရောင် Dessert Wine ကိုတော့ အခန်းအပူချိန်မှာထားပြီး သုံးဆောင်တာ အကောင်းဆုံးဖြစ်ပါတယ်။

ပြည်တွင်းဝိုင်

            မြန်မာနိုင်ငံမှာ ဝိုင်ကို အဓိကချက်လုပ်တဲ့ နေရာတွေကတော့ ပြင်ဦးလွင်၊ ရှမ်းပြည်နယ်စတဲ့ အေးတဲ့ရာသီဥတုမှာရှိတဲ့ နေရာတွေကနေ ထုတ်လုပ်လျက်ရှိပြီး အေးသာယာ ဝိုင်နဲ့ Red Mountain Estate ကတော့ မြန်မာနိုင်ငံအတွင်း ထုတ်လုပ်မှု အများဆုံးနဲ့ နာမည်အကြီးဆုံး ဖြစ်နေပါတယ်။ ဝိုင်ကို မြန်မာနိုင်ငံမှာ ထုတ်လုပ်ချင်ရင် အေးတဲ့ရာသီဥတုရှိတဲ့ နေရာတွေမှာ ထုတ်လုပ်တာကောင်းပါတယ်။ ပူပြင်းတဲ့ ရာသီဥတုမှာတော့ ဝိုင်ပျက်နိုင်ချေ အများဆုံးဖြစ်ပါတယ်။ မြန်မာနိုင်ငံက ဆန်နဲ့ ကြံစိုက်ပျိုးမှု များတာကြောင့် စပျစ်သီးဝိုင်ထက်စာရင် ဆန်ဝိုင်၊ ကြံအရက်တို့ကို ပိုမိုထုတ်လုပ်မှုများပါတယ်။ မြန်မာနိုင်ငံမှာတော့ ရှေးကတည်းက ဝိုင်သောက်သုံးတဲ့ဒေသတွေကတော့ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ကယားပြည်နယ်နဲ့ ပြည်ဦးလွင်စတဲ့ အေးတဲ့ဒေသက လူမျိုးအများစု သောက်သုံးလေ့ရှိကြပါတယ်။ အခုအခါမှာတော့ စပျစ်သီးဝိုင်ရဲ့ ကျန်းမာရေးအတွက် ကောင်းကျိုးတွေ၊ ခန္ဓာကိုယ်ရုပ်ပိုင်းဆိုင်ရာအတွက် ကောင်းကျိုးတွေကို သိရှိလာပြီး နောက်ပိုင်းမှာ စပျစ်သီးဝိုင်သောက်သုံးမှု ယဉ်ကျေးမှုက မြန်မာနိုင်ငံကို ကူးစက်လာပါတယ်။

ဝိုင်ချက်လုပ်နည်း

            ဝိုင်စလုပ်တော့မယ်ဆိုရင် ကိုင်တွယ်မယ့်ပစ္စည်းတွေအားလုံးကို သန့်သန့်ရှင်းရှင်း ကိုင်တာ အကောင်းဆုံးဖြစ်ပါတယ်။ သုံးမယ်ပစ္စည်းတွေကို ရေနွေးပွက်ပွက်ဆူထဲမှာ ထည့်ပြီး ပိုးသတ်ပေးပြီးမှသုံးပါ။ ဝိုင်လုပ်တဲ့အသီးတွေအားလုံးထဲမှာ စပျစ်သီးကဝိုင်လုပ်ရာမှာ အထူးသတိထားရပါမယ်။ မဟုတ်ရင် ပျက်လွယ်ပါတယ်။ စပျစ်သီးမဟုတ်ဘဲ တခြားအသီးတွေနဲ့ ပြောင်းလဲပြီး လုပ်ကြည့်နိုင်ပါတယ်။ ဝိုင်လုပ်ထားတဲ့အသီးရည်အိုးကို အေးတဲ့နေရာ (27ံC) လောက်နဲ့ မှောင်တဲ့နေရာ၊ ခြောက်သွေ့တဲ့နေရာမှာ ထားတာ ကောင်းပါတယ်။ အလင်းရောင်ကြောင့်၊ စိုထိုင်းတဲ့ပတ်ဝန်းကျင်ကြောင့် ဝိုင်ပျက်တတ်ပါ တယ်။ ဝိုင်လုပ်ထားတဲ့အိုးတွေ၊ ပုလင်းတွေဘေးမှာ အနံ့ပြင်းတဲ့ပစ္စည်းတွေ၊ အစားအသောက်တွေ မထားတာအကောင်း ဆုံးပါပဲ။ အနံ့တွေကူးပြီးလည်း ဝိုင်ပျက်တတ်ပါတယ်။ ဝိုင်လုပ်တဲ့နေရာမှာ ဝိုင်အရသာ ခါးခါးလေးလိုချင်ရင် စပျစ်သီးကို ချေတဲ့နေရာမှာ အစေ့လေးမထုတ်ဘဲခြေပါ။ ခါးတာ မကြိုက်ရင်တော့ အစေ့လေးတွေ ဖယ်ထုတ်ပါ။ Alcohol (အရက်)ပါဝင်မှုများတဲ့ ဝိုင်တွေကိုတော့ ဆော်ဒါ (သို့) ရေခဲရေ ရောပြီး သောက်သုံးနိုင်ပါတယ်။

ဝိုင်ဖောက်နည်း(၁)

            ဒီနည်းလမ်းကတော့ မြန်မာ့ရိုးရာဝိုင်ချက်လုပ်တဲ့ နည်းလမ်းဖြစ်ပါတယ်။ ရိုးရှင်းလွယ်ကူပေမယ့် အရေးကြီးတာက ရေလုံးဝမပါရပါဘူး။ ဝိုင်ဖောက်နေစဉ်အချိန်မှာ ဝိုင် စဥ့်အိုးကိုလုံးဝမဖွင့်ပါနဲ့။

►   ပါဝင်ပစ္စည်းများ

♦   စပျစ်သီး   –   ၁ ပိဿာ

♦   သကြား   –   ၇၅ ကျပ်သား

►   ပြုလုပ်နည်း

၁။        စဥ့်အိုးကိုရေဆေးပြီး ရေခြောက်အောင် သုတ်ပေးပါ။ စပျစ်သီးကို အညှာခြွေ၊ မကောင်းတဲ့အလုံးလေး တွေဖယ်ထားပါ။ စပျစ်သီးများကို ရေဆေးပြီး ခြောက်အောက် စစ်ထားပေးပါ။ ရေလုံးဝမပါပါစေနဲ့။

၂။        စဥ့်အိုးတစ်လုံးထဲမှာ စပျစ်သီးတစ်ထပ် သကြား တစ်ထပ်ဖြစ်အောင်ခင်းပါ။ စဥ့်အိုးကို ပလတ်စတစ်နဲ့ လုံအောင်ပိတ်၊ ကြိုးနဲ့သေချာလုံအောင်ချည်ပြီး မှောင်ပြီးအေးတဲ့ နေရာမှာထားပေးပါ။

၃။        ဝိုင်စဥ့်အိုးကို ၆ လ(သို့) ၁ နှစ်လောက် ထားပေးထားရင်တော့ ကောင်းမွန်တဲ့ ဝိုင်ရရှိပြီဖြစ်ပါတယ်။

၎။        ရလာပြီဖြစ်တဲ့ဝိုင်ကိုတော့ သန့်ရှင်းထားတဲ့ပုလင်းတွေကိုထည့်ပြီး သိမ်းဆည်းနိုင်ပါပြီ။ အိမ်မှာလုပ် သောက်ကြတဲ့ ဝိုင်တွေကို ပုလင်းပြောင်းပြီး မသိမ်းချင်ရင်လည်း စဥ့်အိုးထဲကနေပဲ ခွက်သန့်သန့်လေးနဲ့ခပ်ပြီး သောက်သုံးနိုင်ပါပြီ။ Alcohol (အရက်) ပါဝင်မှုများတဲ့ ဝိုင်တွေကိုတော့ ဆော်ဒါ (သို့) ရေခဲရေ ရောပြီး သောက်သုံးနိုင်ပါတယ်။

►   ဝိုင်ဖောက်နည်း(၂)

            ဒီနည်းလမ်းမှာတော့ ဝိုင်ကိုမှိုတွေ၊ ဗက်တီးရီးယားတွေမပေါက်အောင် Sodium Meta-bisulphide သုံးပေးထားပါတယ်။ ဝိုင်ပြုလုပ်နည်း (၂) နဲ့ (၃) ကတော့ နိုင်ငံ တော်တော်များများက အသုံးပြုတဲ့နည်းလေးပါ။

►   ပါဝင်ပစ္စည်းများ

♦   စပျစ်သီး   –   ၁ ပိဿာ

♦   သကြား   –   ၃ဝ ကျပ်သား

♦   ရေ   –   ၂ လီတာ

♦   တဆေး   –   လက်ဖက်စားဇွန်း ၁ ဇွန်း

♦   Sodium Meta-bisulphide   –   ၃ ဂရမ်

►   ပြုလုပ်နည်း

၁။        စပျစ်သီးကို အညှာခြွေ၊ ရေစင်အောင်ဆေးပြီး ကြိတ်တဲ့စက်(သို့) ချေတံနဲ့ ခြေပေးပါ။ Sodium Meta-bisulphide ထည့်ပြီး မွှေပေးပါ။ စပျစ်သီးရည်တွေကို ပုလင်းတစ်လုံးထဲထည့် လုံအောင်ပိတ်ပြီး တစ်ရက်ထားပေးပါ။

၂။        နောက်တစ်ရက်တွင် သကြားနဲ့ ရေကိုကြိုပေးပြီး အအေးခံထားပါ။ ခွက်လေးတစ်လုံးထဲမှာ တဆေး ကို သကြားရည်နည်းနည်းနဲ့ မွှေထားပေးပါ။ အအေးခံထားတဲ့ သကြားရည်ကို ရေစစ်နဲ့စစ်ပြီး အသီးရည်ပုလင်းထဲထည့်ပေးပါ။ တဆေးမွှေထား တာထည့်ပေးပါ။

၃။        ဝိုင်ဖောက်ထားတာကို တစ်ရက်ကို တစ်ခေါက်လောက် တစ်ပတ်လောက်မွှေပေးပါ။ Carbon Dioxide ထွက်သွားအောင်လို့ပါ။

၎။        တစ်ပတ်ပြည့်သွားရင်တော့ အဖုံးကိုလုံအောင် ပိတ်ပြီး ၂ လနဲ့ ၂ လအထက်ထားပြီးတော့ သောက် သုံးနိုင်ပါပြီ။

ဝိုင်ဖောက်နည်း(၃)

      ဒီနည်းလမ်းလေးကတော့ ဝိုင်ပြုလုပ်နည်း(၂)နဲ့ နည်းနည်းလေး ဆင်တူသလိုရှိပေမယ့် နည်းလမ်း (၃)မှာတော့ တဆေးကို သကြားရည်နဲ့ဖျော်ပြီး တစ်ညထားပေးပြီးမှ အသီးရည်ထဲကို ထည့်တာဖြစ်ပါတယ်။

►   ပါဝင်ပစ္စည်းများ

♦   စပျစ်သီး   –   ၅ဝဝ ဂရမ်

♦   ရေ   –   ၁ဝဝ ဂရမ်

♦   တဆေး   –   ၂ ဂရမ်

►   သကြားရည်ပြုလုပ်ရန်

♦   သကြား   –   ၁ဝဝ ဂရမ်

♦   ရေ   –   ၅ဝ ရမ်

►   ပြုလုပ်နည်း

၁။        စပျစ်သီးကို အညှာခြွေ၊ ရေစင်အောင်ဆေးပြီး ကြိတ်တဲ့စက် (သို့) ချေတံနဲ့ ခြေပေးပါ။ ချေထားတဲ့ စပျစ်သီးရည်တွေကို ပုလင်းတစ်လုံးထည့်ထားပါ။

၂။        သကြားရည်ပြုလုပ်ရန် သကြားနဲ့ရေကိုကျိုပြီး အအေးခံထားပါ။ အအေးခံထားတဲ့ သကြားရည်ကို ရေစစ်နဲ့စစ်ပြီး ပုလင်းထဲထည့်ပေးပါ။ တဆေးကို ခွက်လေး တစ်လုံးထဲမှာ သကြားရည်အနည်းငယ် ရောမွှေပေးပြီး အဖုံးလေးအုပ်ကာ တစ်ညထားထားပေးပါ။ နောက်တစ်ရက်မှာ တစ်ဆေးဖျော်ထားတဲ့ခွက်ကို အသီးရည်ပုလင်းထဲ ထည့်ပေးပါ။

၃။        ဝိုင်ဖောက်ထားတာကို တစ်ရက်ကိုတစ်ခေါက်လောက် တစ်ပတ်လောက်မွှေပေးပါ။ Carbon Dioxide ထွက်သွားအောင်လို့ပါ။

၎။        တစ်ပတ်ပြည့်သွားရင်တော့ အဖုံးကိုလုံအောင်ပိတ်ပြီး ၂ လနဲ့ ၂ လ အထက်ထားပြီးတော့ သောက်သုံးနိုင်ပါပြီ။

#Credit_google